به‌رنامه‌ى كاری دانیشتنی ژماره‌ (16) ی ئاسایی رۆژی چوارشه‌مه‌ 2015/6/17

16/06/2015 03:27:00 م
بۆ گفتوگۆكردن له‌سه‌ر كار ‌و چالاكییه‌كان ‌و كێشه‌ ‌و گرفته‌كانی ئه‌نجوومه‌نی كۆمسیاران له‌ كۆمسیۆنی باڵای سه‌ربه‌خۆی هه‌ڵبژاردن ‌و راپرسی، سه‌عات 10ی پێشنیوه‌ڕۆی رۆژی چوارشه‌مه‌ رێكه‌وتی 2015/6/17، دانیشتنی ژماره‌ (16)ی ئاسایی خولی به‌هاره‌ی په‌رله‌مانی كوردستان به‌ڕێوه‌ ده‌چێت.
ئه‌مه‌ش ده‌قی به‌رنامه‌ی كاری دانیشتنه‌كه‌یه‌:
 به‌پێى حوكمه‌كانی بڕگه‌ (1)ی مادده‌ (20)، له‌ په‌یڕه‌وی ناوخۆی په‌رله‌مانى كوردستان ـ عیراق، ژماره‌ (1)ی ساڵی 1992ی هه‌مواركراو، ده‌سته‌ى سه‌رۆكایه‌تیى په‌رله‌مان بڕیاریدا كاتی دانیشتنى ژماره‌ (16)ى خولى به‌هاره‌ له‌ خولــی هه‌ڵبژاردنی چواره‌مى په‌رله‌مان له‌ كاتژمێر (10)ى پێشنــــیوه‌ڕۆی رۆژی چوارشه‌ممه‌ رێكه‌وتی 2015/6/17 بێت و به‌رنامه‌ی كاری دانیشتنه‌كه‌ش به‌مشێوه‌یه‌ بێت:
یه‌كه‌م: گفتوگۆكردن له‌سه‌ر كار و چالاكییه‌كان و كێشه‌ و گرفته‌كانی ئه‌نجوومه‌نی كۆمسیاران له‌ كۆمسیۆنی باڵای سه‌ربه‌خۆی هه‌ڵبژاردن و ڕاپرسی، له‌سه‌ر داوای ژماره‌ی یاسایی ئه‌ندامانی په‌رله‌مان و به‌پێی مادده‌ی (3) له‌ یاسای كۆمسیۆنی باڵای سه‌ربه‌خۆی هه‌ڵبژاردنه‌كان و ڕاپرسی ژماره‌ (4)ی ساڵی 2014. 

فه‌خره‌دین قادر عارف          د.جه‌عفه‌ر ئیبراهیم ئێمینكی              د.یوسف محه‌مه‌د صادق
سكرتێری په‌رله‌مانی           جێگری سه‌رۆكی په‌رله‌مانی            سه‌رۆكی په‌رله‌مانی كوردستان
كوردستان                              كوردستان

رۆژمێرى رووداوه‌كان